Алатау ауданының тұрғындары үшін қала орталығына жол қысқарды. Жаңа жолмен екі бағытта да көліктердің тығыз ағыны жүріп жатыр.
Негізгі жүріс бөлігі толық асфальтталған. Тұйықтар, бұрылыстар, жаяу жүргіншілер жолы және автобус аялдамалары әзірге жұмыс үстінде. Бұл учаскеде жылдамдық 40 км/сағ-қа шектелген.
Қазір не істелуде
Мердігер ABM-Building 2007 ЖШС асфальттың төменгі қабатын төсеп, инженерлік желілерді ауыстырып, жаяу жүргіншілер жолдары мен жерүсті жаяу өткелдерін салып жатыр. Көрші аумақты абаттандыру жұмыстары да жалғасуда.
Жобаны толық аяқтауды 2026 жылдың соңына дейін жоспарлап отыр. Негізгі жұмыстар аяқталған соң асфальттың үстіңгі қабаты төселеді. Құрылыс-монтаждау жұмыстарының құны 19,7 млрд теңгені құрайды.
Қоғамдық көлік
Жаңа учаскемен автобустар жүріп жатыр. 10 маусымнан бастап № 25, № 99 және № 102 маршруттары өзгерді. 20 маусымнан бастап Рысқұлов даңғылынан Мұстафин көшесіне дейін қоғамдық көлікке арналған бөлек жолақ пилоттық режимде жұмыс істей бастады.
Жол құрылысы 2018 жылы басталған. Жұмыстар жерді сатып алу бойынша кезең-кезеңімен жүргізілді. Соңғы учаске 2025 жылдың қазан айында босатылды. Пайдалануға беру мерзімдері бірнеше рет ауыстырылды.