Өзгерістер екі ведомствоның ақпараттық жүйелерінің интеграциясымен байланысты. Бұрын медициналық тексеруден өту талабы 2014 жылдан бастап, «Жол қозғалысы туралы» заң күшіне енген кезден бастап қолданылды.
65 жастан асқан жүргізушілер мен мүгедектігі бар жүргізушілер үшін бұрынғы тәртіп сақталады: әдеттегі жүргізушілік медициналық тексеруден екі жылда бір рет өту. Тексеру нәтижелері ІІМ жүйесінде автоматты түрде көрсетіледі.
Жүргізушілерге қосымша анықтамалар ұсынудың, куәлікті ұзарту үшін жүгінудің немесе ішкі істер органдарына бөлек хабарлаудың қажеті болмайды. Құралай Қаринаның сөзіне қарағанда, жаңа бюрократиялық рәсімдер енгізілмейді.
ІІМ блогерлер мен ақпараттық алаңдардың иелерін заңнамадағы өзгерістер туралы мәліметтерді жауапкершілікпен жариялауға және тек мемлекеттік органдардың ресми деректеріне сүйенуге шақырды.