Ол Түркиядан әкелінген «Орион» сортынан 15 мың көшет отырғызды. Қазіргі заманғы агротехнологиялар мен халықаралық күтім стандарттарының арқасында ағаштар жақсы тамыр жайып, жоспарланған мерзімнен ерте жеміс бере бастады.
Ағымдағы жылы жоба «ҰЛЫ ДАЛА» өндірістік кооперативі базасында жалғасты. 30 гектар алаңға тамшылатып суару жүйесімен жаңа шабдалы көшеттері отырғызылды. Кооператив учаскесінің жалпы ауданы 51,3 гектарды құрайды.
Нұржан Ұмаров ауылдық жерлерде қарқынды бақша өсіруді дамытып, жер ресурстарын тиімді пайдалануды көздейді. Жоспарда шабдалы екпелерін кеңейту, сондай-ақ шие мен элиталық жүзім сорттарын өсіру бар.