Апта ішінде бағалы металл 1 105,98 теңгеге қымбаттады. 16 шілдеде алтынның бір граммы 60 819,14 теңге тұрды.
Әлемдік нарықта алтын бейсенбіде екі апталық максимумнан кейін сәл төмендеді. Спот бағасы 0,2%-ға төмендеп, бір трой унциясы үшін 4 122,49 долларды құрады. АҚШ-тағы тамыз фьючерстері 0,6%-ға арзандап, 4 125,30 долларға дейін төмендеді.
Алтын нарығындағы құбылмалылық
Алтын жөніндегі әлемдік кеңестің деректері бойынша, 2026 жылдың бірінші жартысы ерекше тұрақсыз болды. Жыл басынан бері алтын 12 реттен астам тарихи максимумды жаңартты және қаңтардың соңында бір унция үшін 5 405 долларға жетті.
Маусымда баға 4 002 долларға дейін төмендеді. Нәтижесінде жыл басынан бері төмендеу 7%-ды құрады, ал орташа құбылмалылық 30%-ға дейін өсті.
Негізгі себептерге Таяу Шығыстағы геосаяси шиеленіс, инвесторлардың позицияларын өзгертуі және баға өскеннен кейін пайданы бекіту жатады.