Тараптар Алатау қаласындағы жобаларды іске асыру бойынша бірлескен жұмыс туралы келісімге келді. Олар холдингтің қаржы құралдарын өнеркәсіптік, көліктік, инженерлік және тұрғын үй инфрақұрылымын дамыту үшін пайдалануды талқылады.
Келіссөздерде шағын, орта және ірі бизнесті қолдау, отандық және шетелдік инвесторларды тарту және экспорттық әлеуетті дамыту мәселелері де қозғалды.
Рустам Қарағойшин Алатау қаласы инвесторлар үшін жаңа мүмкіндіктер ашатын арнайы құқықтық режим алғанын атап өтті. Холдингтің міндеті — инфрақұрылымдық жобаларды несиелеуден бастап экспорттаушылар мен кәсіпкерлерді қолдауға дейінгі нақты қаржы құралдарымен осы мүмкіндіктерді нығайту. Келісім топтың барлық даму институттарының қатысуымен бұл жұмысты жүйелі түрде құруға мүмкіндік береді.
Әлішер Әбдіқадыров Алатау қаласының даму тұжырымдамасын таныстырды және арнайы құқықтық режим инвесторлар мен бизнеске беретін мүмкіндіктер туралы айтты.
Келісім тұрақты жұмыс алаңын құруды, бірлескен жобалар портфелін қалыптастыруды және қаржыландырудың жаңа тетіктерін әзірлеуді көздейді. Ынтымақтастық бизнестің мемлекеттік қолдау құралдарына қолжетімділігін кеңейтеді, Алатау қаласының инвестициялық тартымдылығын арттырады және қосымша жеке инвестицияларды тартады деп күтілуде.
Алатау қаласы Алматы облысында Қазақстандағы алғашқы жедел даму қаласы ретінде құрылуда. «Алатау қаласының арнайы құқықтық режимі туралы» Конституциялық заң Мемлекет басшысымен 2026 жылғы 8 мамырда қол қойылды және 2026 жылғы 1 шілдеден бастап кезең-кезеңімен қолданысқа енгізіледі.